സമഗ്ര മാലിന്യ നിര്മ്മാര്ജ്ജനം പ്രോജക്ട് നടപ്പിലാക്കുന്നതിന്റെ ഭാഗമായി രണ്ട് ക്ലാസ്സ് പ്രതിനിധികളെ ഉള്പ്പെടുത്തിക്കൊണ്ടുള്ള മീറ്റിംഗ് 14/6/2012 ന് കൂടുകയുണ്ടായി.ശ്രീ.സി.അനില്കുമാര് പ്രോജക്ടിന്റെ പ്രാധാന്യത്തെപ്പറ്റി വിശദീകരിച്ചു.
ഇതനുസരിച്ച് എല്ലാ ക്ലാസ്സുകളും ഒരു മാസത്തെ പ്രവര്ത്തനം വളരെ ഭംഗിയായി നടത്തുകയും റിപ്പോര്ട്ട് തയ്യാറാക്കുകയും ചെയ്തു.ആദ്യ മാസത്തില് പ്ലാസ്റ്റിക് വിമുക്ത ക്ലാസ് എന്ന ആശയം ആണ് അവര് നടപ്പിലാക്കിയത്. ജൂണ് 20 ഡ്രൈ ഡേ യായി ആചരിച്ചു.ക്ലാസ്സും പരിസ്സരവും വൃത്തിയാക്കി.ക്ലാസ്സ് പരിസരത്തുനിന്നും പ്ലാസ്റ്റിക് മാലിന്യങ്ങള് പൂര്ണ്ണമായും ഒഴിവാക്കി.പ്ലാസ്റ്റക്കിനെതിരെയുള്ള പോസ്റ്ററുകള് ക്ലാസ്സുകളിലെല്ലാം പ്രദര്ശിപ്പിച്ചു.കുട്ടികളില് ശുചിത്വശീലം ഉളവാക്കുന്നതിനായി ശുചിത്വശീലങ്ങള് ചാര്ട്ടില് തയ്യാറാക്കി പ്രദര്ശിപ്പിച്ചു.പ്ലാസ്റ്റിക് വേസ്റ്റ് ബോക്സിന് പകരമായി കാര്ഡ്ബോര്ഡ് പെട്ടി ഉപയോഗിക്കാന് തുടങ്ങി.പ്ലാസ്റ്റക് ലഞ്ച് ബോക്സ്,പ്ലാസ്റ്റിക് പേന ,നിലവാരം കുറഞ്ഞ പ്ലാസ്റ്റിക് ബോട്ടില് എന്നിവ പൂര്ണ്ണമായും ഒഴിവാക്കാന് തീരുമാനിച്ചു.മിഠായി കടലാസുകള് പൂര്ണ്ണമായും നിരോധിച്ചു.
ജൂണ് 29 ന് കമ്മിറ്റി കൂടി റിപ്പോര്ട്ടുകള് പരിശോധിച്ചു.ഏറ്റവും നല്ല റിപ്പോര്ട്ടുകളായി ഹൈസ്കൂള് വിഭാഗത്തില് നിന്നും 10 A യുടെയും U P വിഭാഗത്തില്നിന്നും 7B യുടെയും റിപ്പോര്ട്ടുകള് തിരഞ്ഞെടുത്തു. റിപ്പോര്ട്ടുകള് ക്രോഡീകരിച്ചതിന് ശേഷം അടുത്ത മാസത്തിലെ പ്രവര്ത്തനങ്ങള് ചിട്ടപ്പെടുത്തി
No comments:
Post a Comment